Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Profesori universitar Milazim Krasniqi ka reaguar ndaj deklaratës së fundit të Departamentit Amerikan të Shtetit, duke vlerësuar se mesazhi i Uashingtonit është një sinjal i qartë për pasojat e mospërmbushjes së zotimeve që Kosova ka marrë në raport me komunitetin serb. Krasniqi veçoi pjesën e deklaratës ku thuhet se SHBA-ja pret të zhvillojë një Dialog Strategjik me Kosovën kur të krijohen kushtet e duhura, përfshirë përmbushjen e zotimeve të Kosovës ndaj serbëve të Kosovës. “Pra, me popullin e Kosovës, jo me qeverinë e as me shtetin e Kosovës! , ka shkruar Krasniqi. Sipas tij, deklarata e DASH-it e vë theksin te obligimet që Kosova ka marrë dhe që, sipas tij, nuk i ka përmbushur. “Ky qëndrim i Departamentit Amerikan të Shtetit fokuson detyrimin që ka marrë Kosova me zotimet e veta. Praktika që të marrësh një zotim e të mos e kryesh na ka sjellë në këtë derexhe”, është shprehur ai. “Ato lojëra mund të bëhen ndërmjet vetë partive tona politike, por nuk mund të bëhen me SHBA-në, NATO-n e BE-në. Bëhen, por pastaj nuk zhbëhen, sepse të bllokojnë e të lënë kacavarur. Atyre nuk u ngutet”, ka deklaruar ai. “S’ka bashkëpunim strategjik, s’ka fonde, s’ka vizita, s’ka përkrahje. Qaq”, ka përfunduar Krasniqi.
