Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me rastin e vdekjes së ish ministrit të mbrojtjes së republikës së Shqipërisë zotit Luan Hajdaraga, ministri i FSK-së Rrustem Berisha ka dërguar telegram ngushëllimi për familjen, bashkëpunëtorët dhe institucionet e shtetit shqiptar. “Me dhembje të thellë e mësova lajmin e ndarjes së parakohshme nga jeta të Luan Hajdaragës, ish ministër i Mbrojtjes së Republikës së Shqipërisë. Luan Hajdaraga, si Ministër i Mbrojtjes do të mbahet mend veçanërisht për kontributin e tij të jashtëzakonshëm gjatë luftës së Kosovës dhe mbështetjen e pakursyer dhënë luftës çlirimtare. Në emër të Ministrisë së Forcës së Sigurisë së Kosovës dhe në emër timin personal, ju shprehim ngushëllimet më të sinqerta për familjen Hajdaraga, miqtë e të ndjerit si dhe Institucionet e Republikës së Shqipërisë”!
