Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Mbrojtjes së Shqipërisë, Niko Peleshi, ka pritur në takim komandantin e misionit të KFOR-it në Kosovë, Angjelo Mikele Ristuçia. Ministri Peleshi është shprehur se misioni i KFOR-it në Kosovë ka rëndësi të veçantë për ruajtjen e paqes dhe sigurisë në rajon. Me komandantin e KFOR-it, Angelo Michele Ristuccia, biseduam për bashkëpunimin dhe angazhimet e vendit tonë në kuadër të NATO-s ose nismave rajonale, si aleatë të besueshëm dhe kontribuues aktivë, ka deklaruar Niko Peleshi. Ai ka përmendur edhe dialogun Kosovë – Serbi, për të cilin ka thënë se Shqipëria mbështet një marrëveshje finale mes dy vendeve që duhet të mundësojë njohje reciproke dhe anëtarësimin e Kosovës në OKB dhe BE, ka saktësuar Ministri i Mbrojtjes së Shqipërisë, Niko Peleshi.