Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Tregtisë dhe Industrisë, Vesel Krasniqi priti në një takim njoftues përfaqësueset e organizatës EcoKosWomen nga Prishtina, të kryesuar nga drejtoresha Magbule Hyseni. Në takim u diskutua për planet e bashkëpunimit ndërmjet Ministrisë së Tregtisë dhe Industrisë dhe kësaj organizate për vitin 2020-2021 në mbështetje të grave ndërmarrëse të Kosovës. Ministri Krasniqi i njoftoi përfaqësueset e kësaj organizate se në kuadër të Pakos së Rimëkëmbjes Ekonomike, të hartuar nga Qeveria e Kosovës, është paraparë ndarja e 400 mijë eurove si mbështetje për gratë ndërmarrëse. Gjithashtu, ministri Krasniqi theksoi se mbështetja e grave ndërmarrëse do të kategorizohet në tri nivele varësisht nga numri i punëtorëve, që ato kanë të punësuar apo do të punësojnë në të ardhmen. Në takim u diskutua edhe kërkesa e organizatës EcoKosWomen për ulje të TVSH-së në mjete higjienike të dedikuara për gratë. Lidhur me këtë, ministri Krasniqi iu sugjeroi që këtë çështje ta adresojnë në Ministrinë e Financave, Zyrën e Kryeministrit dhe në Kuvendin e Kosovës.
