Brickos

MINISTRI LEKAJ U TAKUA ME ZËVENDËSSHEFIN E UNMIK-UT CHRISTOPHER COLEMAN

23/01/2018 Institucionet

Ministri i Infrastrukturës Pal Lekaj, priti në takim zëvendësshefin e UNMIK-ut, Christopher Coleman. Fillimisht ministri Lekaj e falënderoi zëvendësshefin Coleman për punën e deritanishme që ka bërë UNMIK-u deri në krijimin e institucioneve vendore si dhe bashkëpunimin e vazhdueshëm edhe pas shpalljes së Pavarësisë së Kosovës. Temë kryesore e këtij takimi ishte bartja e kompetencave nga UNMIK-u në institucionet vendore lidhur me normalizimin e hapësirës ajrore të Kosovës. Kjo përgjegjësi për Aeroportin Ndërkombëtar të Prishtinës në vitin 2004 ishte bartur nga KFOR-i tek UNMIK-u. Tashmë është krijuar Autoriteti i Aviacionit Civil dhe stafi vendor është i përgatitur për t’i marrë kompetencat lidhur me këtë, duke u bazuar në marrëveshjet paraprake, me autoritetet e UNMIK-ut, u tha në këtë takim. Ndërsa, zëvendësshefi i UNMIK-ut Coleman , e falënderoi ministrin Lekaj për pritjen si dhe u shpreh i gatshëm që do të shqyrtohet kërkesa për bartjen e kompetencave për hapësirën ajrore të Kosovës nga UNMIK-u, tek institucionet vendore, të njëjtën do ta përcjellin tek OKB-ja.

Kontrolloni gjithashtu

Kryetari Latifi në 25-vjetorin e rënies, ka nderuar kujtimin për luftëtarin e UÇK- së dhe dëshmorin e kombit, Sadri Fazli Krasniqi

Kryetari i komunës së Rahovecit Smajl Latifi, bashku me familjarë, bashkëpunëtorë e miq, në 25-vjetorin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara