Ministri Mustafa takoi ambasadoren e Kroacisë, Danijela Barisic

Ministri i Bujqësisë, Pylltarisë dhe Zhvillimit Rural, Besian Mustafa, priti në takim ambasadoren e Kroacisë në Kosovë, Danijela Barisic, me të cilën kanë diskutuar për projektet zhvillimore të ministrisë për këtë vit, si dhe për mundësitë e bashkëpunimit mes të dyja vendeve në sektorin e bujqësisë. Ministri Mustafa e ka falënderuar ambasadoren Barisic për gatishmërinë e saj për të bashkëpunuar në zhvillimin e sektorit të bujqësisë dhe me këtë rast theksoi që bashkëpunimi mes Kosovës e Kroacisë të fokusohet edhe në shkëmbimin e përvojave bujqësore, me qëllim të avancimit të mëtejmë të sektorit. Nga ana e saj ambasadorja, Danijela Barisic, ka uruar ministrin Mustafa për detyrën e re dhe rikonfirmoi gatishmërinë e shtetit të saj për të ndihmuar zhvillimin bujqësor të vendit.

Kontrolloni gjithashtu

Drejtoria Komunale e Arsimit në Deçan ka filluar me procesin e hartimit të Planit Zhvillimor Komunal të Arsmit 2024 – 2027

Drejtoria Komunale e Arsimit në Deçan ka filluar me procesin e hartimit të Planit Zhvillimor …