Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gazetari Ilir Mirena ka komentuar dorëheqjen e ministrit të Infrastrukturës, Liburn Aliu, duke e cilësuar si të vonuar. Sipas tij, Aliu është dashur të reagojë qysh në kohën kur Dimal Basha dhe figura të tjera iu bashkuan Lëvizjes Vetëvendosje. Mirena ka thënë se Basha përfaqëson fytyrën e vërtetë të Albin Kurtit dhe të organizatës së tij politike.
Ai ka shtuar se Vetëvendosja, duke pranuar në radhët e saj individë nga parti të tjera dhe duke i shpërblyer me poste, e ka humbur karakterin fillestar. Dorëheqja e Aliut, sipas Mirenës, është një ndër shenjat se kjo parti do të shkojë drejt shkapërderdhjes.
Madje, Mirena thekson se shpërbërja e Vetëvendosjes do të ishte një çlirim për Kosovën, të cilën, siç thotë ai, kjo parti e ka marrë peng. Sipas tij, fitili i këtij procesi mund të jetë zgjedhja e Dimal Bashës në krye të Kuvendit.
