Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Partisë Demokratike të Kosovës, Nait Hasani, ka deklaruar se seanca e 30-të për konstituimin e Kuvendit është e fundit në të cilën ai merr pjesë, duke shprehur zhgënjimin e tij të thellë për zvarritjen e procesit. “Sot është hera e fundit që vi në Kuvend. Nuk ka kuptim të vazhdohet me të njëjtin refren. Kemi hyrë në librin e Guinnessit me këtë farsë institucionale,” u shpreh Hasani përpara gazetarëve. Ai kritikoi ashpër sjelljen e Lëvizjes Vetëvendosje dhe liderit të saj, Albin Kurti, duke theksuar se ky i fundit duhet të pranojë realitetin politik. “Kurti duhet ta kuptojë një herë e mirë: nuk i ka fituar zgjedhjet. Është parti e parë, por nuk ka shumicë,” tha Hasani. I pyetur për kontaktet me përfaqësues të VV-së, Hasani u tregua i hapur për dialog, duke përmendur se nuk e ka problem të takohet as me Kurtin e as me Glauk Konjufcën. Ai theksoi se vendit i nevojitet zgjidhje, jo bllokadë.
