Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-nënkryetari i Organizatës së Veteranëve të Luftës së Ushtria Çlirimtare e Kosovës, Nasim Haradinaj, ka hedhur kritika të ashpra ndaj kryeministrit të Kosovës, Albin Kurti, duke deklaruar se ai, sipas tij, ka ardhur në pushtet përmes tensioneve politike dhe në të njëjtën mënyrë mund të largohet nga pushteti. Haradinaj tha se mënyra se si Kurti ka ndërtuar karrierën politike është e lidhur me përplasje dhe përshkallëzim të situatave politike. Sipas tij, Kurti ka arritur të fitojë mbështetje politike duke krijuar tensione dhe duke u paraqitur si viktimë në skenën politike. “Ai që ka hyrë me dhunë nuk del kurrë pa dhunë. Ka fitu tu kall në parlament, ka fitu tu u shpall viktimë… duke e bërë tjetrin fajtor. Ka vepru edhe duke u thirrur në rastin e Astrit Dehari. Tash ose rruga është me tym ose me hi, dhe me tym duhet me dalë”, është shprehur Haradinaj gjatë emisionit. Deklarata e tij vjen në një kohë kur debati politik në vend vazhdon të jetë i tensionuar, ndërsa kritikat dhe akuzat mes akterëve politikë janë shtuar në skenën publike.
