Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i OVL-UÇK-së, Nasim Haradinaj, i cili është duke u gjykuar në Gjykatën Speciale për rrjedhjen e dokumenteve të Zyrës së Prokurorit, ka deklaruar se prokurori i Speciales është duke ia imponuar deklaratat të cilat ai nuk i ka thënë. Ky reagim i Haradinajt ka ndodhur kur është pyetur nga prokurori nëse mendon se kush bashkëpunon me popullin serb është armik i tij. Haradinaj ka thënë se asnjëherë nuk e ka deklaruar një gjë të tillë. Ky është mendimi juaj. Nuk e kam thënë unë atë. Mundesh me nxjerr procesverbalin dhe e sheh se unë kam deklaruar që armik i imi nuk është populli serb, por Vuçkoviqi dhe njerëzit e tij, njerëz që ju keni bashkëpunuar me ta dhe i keni falënderuar. Ne kemi luftuar, lufta ka mbaruar. Ne duhet të kemi fqinjësi të mirë me Serbinë, por ka persona në Serbi, të cilët kanë bashkëpunuar me juve dhe e kanë mentalitetin e Millosheviqit. Çdo kush që është armik i popullit tim, është armik i imi. E kemi betim familjar këtë, jo vetëm unë, por brez pas brezi. Haradinaj ka folur dëshmitarët e Zyrës së Prokurorit pa i përmendur emrat. duke thënë se aty sheh shumë armiq të popullit të tij. Ai ka thënë se aty ka edhe shqiptarë, të cilët kanë vrarë fqinjin e tyre për hir të serbëve, andaj edhe i konsideron armiq, por kjo nuk nënkupton se ai ka armiqësi me të gjithë popullin serb.
