Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Ditën Ndërkombëtare të Personave të Pagjetur, Nasim Haradinaj, ish i burgosur politik dhe ish-nënkryetar i OVL-UÇK-së, ka kritikuar qeveritë e Kosovës për mospërkushtim ndaj kësaj çështjeje. Ai tha se për 26 vite me radhë asnjë qeveri nuk e ka trajtuar me seriozitet fatin e mbi 1,600 personave ende të zhdukur nga lufta, duke e përdorur këtë temë vetëm në kohë fushatash. “Çështja e të pagjeturve është trajtuar vetëm politikisht dhe asnjëherë me hapa konkretë. Ky është gabim i pafalshëm dhe fyese për familjet e viktimave”, theksoi Haradinaj. Ai u shpreh se gjetja e personave të zhdukur duhet të jetë kushti i parë në çdo dialog me Serbinë dhe prioritet në marrëveshjet ndërkombëtare. Pas luftës në Kosovë, mbi 6,000 persona u raportuan të zhdukur, ndërsa edhe sot, më shumë se 1,600 prej tyre vazhdojnë të mbeten pa gjurmë.
