Ne anëtarët e dy kryesive sindikale të Institutit të Mjekësisë Ligjore me shqetësim të thellë ju informojmë se kemi filluar me veprime sindikale, ne këto kushte të emergjencës shëndetësore...

Ne anëtarët e dy kryesive sindikale të Institutit të Mjekësisë Ligjore me shqetësim të thellë ju informojmë se kemi filluar me veprime sindikale, ne këto kushte të emergjencës shëndetësore…

20/11/2020 Njoftime

Të nderuar bartës të institucioneve të Republikës së Kosovës,

Të nderuara media të shkruara dhe elektronike,

Ne anëtarët e dy kryesive sindikale të Institutit të Mjekësisë Ligjore me shqetësim të thellë ju informojmë se kemi filluar me veprime sindikale, ne këto kushte të emergjencës shëndetësore, për arsye të neglizhencës totale të institucioneve bartëse në shqetësimet e ngritura deri tani.

Gjeni të bashkangjitur Komunikatën e përbashkët për media nga dy Sindikatat përfaqësuese të Institutit të Mjekësisë Ligjore,  dhe Komunikatën mbështetëse nga Asociacionin Kosovar i Shkencave Forenzike.

Komunikata për Media

Të nderuara media të shkruara dhe elektronike arsye e mbajtjes se kësaj proteste është:

  1. Shkelja e procedurave gjate te gjithë procesit për miratimin e Rregullores MD-Nr-01/2020 për organizimin e brendshëm dhe sistematizimin e Institutit të Mjekësisë Ligjore.
  2. Nuk janë përfill propozimet nga shumica e anëtarëve të grupit punues ku është proceduar në kundërshtim me opinionin e profesionistëve mjeko-ligjor (anëtarë të grupit punues) ku dhe më vonë  të njëjtit janë atakuar në mënyrë individuale nga drejtori i IML-së.
  3. Abuzimi me deklaratat rreth standardeve se kinse është duke u bërë rregullimi në përputhshmëri me standardet ndërkombëtare, ku në të vërtetë është degraduar struktura ekzistuese që vazhdimisht kanë treguar përformancë të lart ndër vite (kujt po i konvenon kjo?!).

Pasojat e pritura nga shkeljet e lartpërmendura;

  • Pasiguria ligjore, tendenca për abuzim, degradim dhe shkelje te integritetit profesional;
  • Dëmtimi i procesit për personat e zhdukur, duke i dhëne goditjen përfundimtare;
  • Humbja e elementit e të quajturit Institut duke shuar divizionin për hulumtime;
  • Krijimi i mos besueshmërisë te palëve te jashtme për proceset dhe për ekzaminimet qe kryhen ne Institutin e Mjekësisë Ligjore.

Kërkesat tona:

  1. Shfuqizimi i rregullores se jashtëligjshme.
  2. Krijimi i Grupit punues në përputhshmëri me Rregulloren QRK-Nr-01/2020 për standardet e organizimit të brendshëm, sistematizimin e vendeve të punës dhe bashkëpunimin me institucionet e administratës shtetërore dhe agjencitë e pavarura, me përbërje nga profesionistet kompetent dhe duke u monitoruar nga Sindikatat përfaqësuese brenda IML-së.
  3. Bazuar ne LIGJI NR. 06/L-113 PËR ORGANIZIMIN DHE FUNKSIONIMIN E ADMINISTRATËS SHTETËRORE DHE TË AGJENCIVE TË PAVARURA, te sqarohet pozicioni i Institutit te Mjekësisë Ligjore.
  4. Ndalimin urgjent të presionit, kërcënimit ndaj punëtorëve të IML-së
  5. Të merren masa ndaj personave te cilët kanë krijuar këtë situatë ne IML.

20.11.2020

Të nderuar bartës të institucioneve të Republikës së Kosovës, të nderuara media të shkruara dhe elektronike, Federata e Sindikatave të Shëndetësisë së Kosovës (FSSHK) dhe  Sindikata e Shërbimit Civil të Kosovës (SSHCK) JU  njofton se veprimet Sindikale nuk do të ndalen deri ne realizimin e kërkesave tona legjitime.

Me respekt,

Kryetari i SHSSHCK – së

Arben Emini 

044377995            

 

                                                         

Kryetari SSH-IML –FSSHK-së

Mr.Ph. Nardi Sheqerxhiu 

044558821

Kontrolloni gjithashtu

Shoqata “Kosova për Sanxhakun” e njofton opinionin publik dhe institucionet relevante për një rast të ndjeshëm kulturor dhe kombëtar që ilustron gjendjen e shqiptarëve autoktonë në Sanxhakun e Pazarit të Ri. Rrafshnalta e Peshterit, një trevë e rëndësishme në Sanxhak, me mbi 95 për qind të popullsisë myslimane me prejardhje shqiptare, u okupua nga Serbia dhe Mali i Zi në vitin 1912. Në më shumë se 200 vendbanime të kësaj zone, edhe sot në disa fshatra dëgjohet gjuha shqipe, e cila ka mbijetuar, pavarësisht mohimit të identitetit kombëtar dhe të drejtës për vetëdeklarim. Një rast i tillë është ky i fshatit Ugëll (Ugao), në kufi me Malin e Zi, ku banorët na kanë dërguar fotografi të të dy epitafeve të shkruara në gjuhën shqipe për Fatë Aliçkaj (1910–1966), e lindur në Jezgroviq të komunës së Tutinit dhe e vendosur në Ugëll. Epitafet janë përgatitur për të shënuar varrin e saj në varrezat e fshatit Ugëll, por për arsye ende të paqarta nuk janë vendosur kurrë. Dyshohet se për shkak të tekstit të epitafit në gjuhën shqipe, familjarët nuk kanë pasur guximin t’i vendosin ato. Kjo po ndodh pavarësisht faktit se në kohën e vdekjes së saj, gjuha shqipe flitej nga të gjithë banorët e zonës. Në emër të Kryesisë së Shoqatës “Kosova për Sanxhakun”, i drejtohemi Ministrisë për Evropë e Punë të Jashtme të Republikës së Shqipërisë, respektivisht Ambasadës së Republikës së Shqiptare në Beograd, që ta vizitojnë këtë fshat dhe të njihen nga afër me gjendjen e të drejtave të shqiptarëve në Sanxhak. Shoqata jonë ka nënshkruar Memorandum Bashkëpunimi me Këshillin Kombëtar Boshnjak (BNV), përmes së cilës ka status participues e konsultativ në këtë institucion dhe vepron në Sanxhak. Rasti i epitafeve është vetëm një nga qindra shembuj të diskriminimit që pengon zhvillimin e jetës normale në këtë krahinë të banuar me shqiptarë autoktonë. Ismet Azizi Kryetar i Shoqatës “Kosova për Sanxhakun”

“Kosova për Sanxhakun”: Rasti i epitafit në gjuhën shqipe në fshatin Ugëll të Peshterit në Sanxhak

Shoqata “Kosova për Sanxhakun” e njofton opinionin publik dhe institucionet relevante për një rast të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara