Në Dejnë dhe në Dobidol, përkujtohen dëshmorët Mark Sopjani dhe Arben Bytyqi

04/09/2025 Institucionet

Me rastin e përvjetorit të rënies së dëshmorëve Mark Sopjani dhe Arben Bytyqi, institucionet komunale të Rahovecit në krye me kryetarin Smajl Latifi, organizatat e dala nga lufta e UÇK-së, familjarët e dëshmorëve dhe martirëve, kanë bërë homazhe tek varret e dy të rënëve dhe martirëve në fshatërat Dejnë dhe Dobidol.

“Në Dobidol, u përulëm me respekt të lartë para lapidarit të bashkëluftëtarit, dëshmorit të kombit, Mark Sopjani, i cili ra më 4 shtator 1998.

Në Dejnë, kujtuam me nderim dëshmorin Arben Bytyçi, i rënë po ashtu më 4 shtator 1998”, ka shkruar në facebook, kryetari Latifi.

“Kanë kaluar 27 vjet nga tragjedia në vendin e quajtur Liskofc, mbi fshatin Dejnë, ku predhat e artilerisë serbe morën jetët e Leonora Bytyçit dhe të vëllait të saj, dëshmorit Arben Bytyçi. Aty u vranë edhe Minkadise Bytyçi, Sevdije Hoti, Elmaze Bytyçi, Shpresa Bytyçi, Bahrije Bytyçi, dhe fëmija 15-muajsh, Driton Hoti. Në Liskofc mbetën të plagosur edhe 56 të tjerë.

Dejni i ka dhënë luftës për liri dëshmorët: Arben Bytyçi, Bekim Bytyçi, Ramiz Krasniqi, Milaim Morina, Xhevdet Krasniqi, dhe Qemajl Bytyçi, si dhe martirët Gani Morina dhe Muhamet Hoti.

Sot dhe përherë përulemi me përkushtim të thellë për veprën e dëshmorëve dhe të gjithë të rënëve për liri”, thuhet në postimin e kryetarit të Rahovecit, z. Smajl Latifi.

Kontrolloni gjithashtu

Kryetari Sokol Haliti, priti në takim përfaqësuesit e Caritasit të Zvicrës

Kryetari i Komunës së Vitisë, z. Sokol Haliti, priti sot në takim përfaqësuesit e Caritasit …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara