Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Gjykatën Speciale, në Hagë, edhe sot po vazhdon gjykimi kundër krerëve të UÇK-së, Hashim Thaçi, Kadri Veseli, Rexhep Selimi e Jakup Krasniqi. Në këtë gjykim maratonik, dje është paraqitur dëshmitari i 38-të me radhë i Prokurorisë, ish-zyrtarja e OSBE-së gjatë luftës në Kosovë, zonja Sandra Mitchell. Ajo gjatë dëshmisë së saj para trupit gjykues në Hagë, tha se raportet që iu shkonin atyre si zyrtarë të OSBE-së, të cilat kishin të bënin me keqtrajtimet gjatë periudhës 19 qershor 1998 deri më 1 korrik 1999, pretendoheshin se ishin kryer nga UÇK-ja. Dje duke folur për Masakrën e Reçakut, Sandra Miçell ka deklaruar se njëra prej taktikave të përdorura nga UÇK-ja, ishte që t’ua zinte priten patrullave serbe, të cilat më pas hakmerreshin, ka saktësuar ish-zyrtarja e OSBE-së, gjatë luftës në Kosovë.
