Në komunën e Vitisë, numri i të infektuarve në rënie ndërsa i të shëruarve në rritje

21/09/2020 Institucionet

Situata aktuale epidemiologjike në komunën e Vitisë është stabile dhe e menaxhueshme, u tha në takimin e rregullt të Komitetit Komunal për Mbrojtje dhe Shpëtim në Viti. Gjatë 24 orëve të fundit, nuk ka pasur raste të reja me Covid 19, ndërkohë që u bë e ditur se numri i të shëruarve është në rritje. Aktualisht, numri i rasteve aktive është 32. Kryetari i komunës së Vitisë Sokol Haliti, theksoi se është duke u menaxhuar situata suksesshëm nga të gjitha instancat dhe numri në rënie i të infektuarve është shpresëdhënës. Komandanti i stacionit policor në Viti, kapiten Afrim Halili, tha se janë të angazhuar që të përcjellin situatën dhe se nuk ka pasur ndonjë incident apo mos respektim të masave nga ana e qytetarëve që duhet veçuar. Ndërkohë nga Drejtoria e Arsimit, u raportua se mësimi po zhvillohet në suaza normale dhe ka filluar edhe faza e dytë e mësimit për disa klasë që nuk patën filluar para një jave.

Kontrolloni gjithashtu

Komiteti për Familjet e Dëshmorëve, Invalidëve dhe Veteranëve të UÇK-së  dhe Martirëve të luftës në komunën e Malishevës mbajti mbledhjen e tretë të rregullt

Komiteti për Familjet e Dëshmorëve, Invalidëve dhe Veteranëve të UÇK-së  dhe Martirëve të luftës në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara