Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mbledhja e radhës e përbashkët e qeverisë së Shqipërisë dhe Kosovës do të mbahet në muajin nëntor në Pejë. Njoftohet se një nga çështjet që do të diskutohet është edhe çështja e taksës së “Rrugës së Kombit” e cila po kundërshtohet fuqishëm nga qytetarët e Kukësit dhe të Kosovës. Duke shfaqur qëndrimin e ministrisë sonë për këtë çështje, zëvendësministri i Infrastrukturës, Rexhep Kadriu ka deklaruar se me paratë e mbledhura nga kjo takes, Qeveria e Shqipërisë po dëshiron që të paguajë mirëmbajtjen e të gjitha rrugëve në territorin e saj, por këtë nuk mund ta bëjë në kurriz të qytetarëve të Kosovës. Ai ka theksuar më tutje se Ministria e Infrastrukturës konsideron se kjo taksë rrugore është e njëanshme e cila ndikon në ekonominë e qytetarëve të Kosovës.
