Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në Prishtinë është mbajtur një takim mes përfaqësuesve të tri partive opozitare, Vetëvendosje, AAK dhe Nisma për Kosovën. Takimi është mbajtur në selinë e AAK-së. Pas takimit kryetari i AAK-së, Ramush Haradinaj ka deklaruar për mediet se ka qenë një takim pune i opozitës dhe nuk është paraparë ndonjë deklaratë për media. Ishte një takim pune në mes opozitës, ka deklaruar shkurt Haradinaj pa dhënë ndonjë detaj. Jo zyrtarisht bëhet e ditur se gjatë takimit liderët e opozitës kanë diskutuar lidhur qëndrimet e tyre aktuale dhe hapat e mëtutjeshëm që planifikojnë të ndërmarrin në të ardhmen. Opozita pajtohet në qëndrimet kapitale dhe vetëm si e tillë do të arrijë të mbijetojë në procesin në të cilin ka hyrë para shtatë muajsh duke i kundërshtuar fuqishëm dy marrëveshjet e dëmshme për vendin të cilat, i ka nënshkruar Qeveria e Kosovës në Bruksel, marrëveshja për krijimin e AKS-së dhe demarkacionin me Malin e Zi.
