Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në seancën plenare të Kuvendit të Kosovës ka vazhduar debati në lidhje me pretendimet për shkeljet dhe parregullsitë në Ministrinë e Infrastrukturës. Deputetja e PDK-së, Blerta Deliu Kodra ka pyetur ministrin Liburn Aliu për anulimin e projekteve ku janë hasur keqpërdorimet dhe pse nuk ka shkarkuar askënd për këto parregullsi. Ajo në seancën e sotme ka përmendur edhe shkeljet që janë konfirmuar nga Zyra Kombëtare e Auditimit në këtë ministri. “Pse nuk e keni shkarkuar askënd për këto parregullsi, për të cilat ju thatë që keni iniciuar vetauditim, e në fakt pse nuk e keni anuluar projektin kur keni pasur dyshime që po ndodhin keqpërdorime? Pse zotëri ministër nuk jeni distancuar asnjëherë nga zëvendësministri Durmishi, i cili edhe vetë është deklaruar se ka lidhje të ngushta miqësore me disa kompanitë me të cilat ju i keni shpërblyer me kontrata milionëshe”, ka pyetur ajo, Aliun. Ndërsa ministri i Infrastrukturës, Liburn Aliu, ka thënë se çdo raport i auditimit është i mirëseardhur, duke shtuar se distancimi do të ndodhë pas përfundimit të hetimeve.
