leoni

Në Tiranë ka filluar Seminari i XIV-të mbarëkombëtar për mësimin plotësues për gjuhën shqipe në diasporë

Në Tiranë ka filluar Seminari i XIV-të mbarëkombëtar për mësimin plotësues për gjuhën shqipe në diasporë

Ministri i Arsimit i Kosovës, Shyqiri Bytyqi sebashku me ministren e Arsimit të Shqipërisë, Lindita Nikolla, ministrin për Diasporë i Shqipërisë, Pandeli Majko, kryetarin e Bashkisë së Tiranës, Erion Veliaj dhe përfaqësues të Ministrisë së Diasporës së Kosovës, morën pjesë në ceremoninë e hapjes së punimeve të Seminarit të XIV-të mbarëkombëtar për mësimin plotësues në gjuhën shqipe në diasporë, i cili ka filluar të martën në Tiranë dhe do t’i zhvillojë punimet deri më 3 gusht 2018. Bytyqi i ka falënderuar mësimdhënësit për kontributin e tyre të çmuar, angazhimin e palodhshëm ndër vite, për kultivimin e gjuhës shqipe, ruajtjen e traditës dhe kujtesës sonë kombëtare në mendjet e të rinjve tanë në mërgatë.

“Mësuesit tanë në diasporë po e ndihmojnë kultivimin e gjuhës sonë të çmuar, ruajtjen e kulturës dhe traditës sonë kudo që janë, andaj e meritojnë respektin dhe mbështetjen tonë institucionale. Gjysma e substancës kombëtare jeton jashtë vendit, andaj theksova se mbështetja për punën që bëjnë mësimdhënësit në diasporë është shumë e nevojshme. Në këtë kontekst, theksova nevojën e certifikimit të mësimdhënësve kudo që ata punojnë, dhe përmenda edhe nënshkrimin e marrëveshjeve të përbashkëta ndërministrore në Korçë, me të cilat parashihet financimi i mësimit plotësues dhe që duhet të jetësohen në të ardhmen”, ka thënë nder të tjera ai.

Ndryshe, ky seminar i financuar nga dy ministritë e arsimit, ka për qëllim këmbimin e përvojave të mira të mësimdhënies nga vende të ndryshme të botës, ndërsa gjatë këtyre ditëve sa do të zgjasë seminari, do të paraqiten kumtesa me tema të ndryshme si: Metodologji të mësimdhënies dhe teori të të nxënit për nxënësit që jetojnë në diasporën shqiptare, Prezantimi i dokumentit “Kurrikula e mësimit plotësues të gjuhës shqipe dhe kulturës shqiptare në diasporë e në mërgatë”, Mësuesit në shkollat e komunitetit shqiptar, profili dhe sfidat me të cilat ballafaqohen”, dhe tema të tjera të rëndësishme.

Kontrolloni gjithashtu

Komisioni për Politikë dhe Demokraci i Asamblesë Parlamentare të Këshillit të Evropës miraton raportin për kërkesën e anëtarësimit të Kosovës

Asambleja Parlamentare e Këshillit të Evropës ka shënuar një hap të rëndësishëm në procesin e …