leoni

Nënkryetari Berisha, e falënderoi QRSHP në Prizren për bashkëpunimin në menaxhimin e situatës me COVID-19

21/08/2020 Institucionet

Nënkryetari i Komunës së Malishevës, Hajdin Berisha, sot e ka vizituar Qendrën Rajonale të Shëndetësisë Publike në Prizren, ku është pritur nga drejtori i kësaj qendre, Fadil Kryeziu. Qëllimi i vizitës ishte vlerësimi i punës së përbashkët në menaxhimin e situatës me COVID-19, dhe thellimi i bashkëpunimit në mes të dy institucioneve. Berisha, ishte i shoqëruar nga drejtori i Drejtorisë së Inspektoratit, Dibran Kastrati. Berisha dhe Kryeziu, kanë vlerësuar lartë punën e përbashkët në menaxhimin e pandemisë në territorin e Komunës së Malishevës, si në bërjen e testeve, ashtu edhe në hulumtimin e kontakteve dhe trajtimin e tyre, me qëllim të parandalimit të përhapjes së pandemisë. Nënkryetari i Komunës së Malishevës, Hajdin Berisha, e ka falënderuar Qendrën Rajonale të Shëndetësisë Publike në Prizren dhe Institutin Kombëtar të Shëndetësisë Publike të Kosovës, për bashkëpunimin në menaxhimin e pandemisë. Ndërsa drejtori i QRSHP në Prizren, Fadil Kryeziu, e ka vlerësuar lartë bashkëpunimin me komunën, si dhe e vlerësuar lartë edhe punën e komunës dhe shtabit komunal në menaxhimin e situatës me COVID-19. Kryeziu e Berisha, vlerësuan se gjendja me COVID-19 në Komunën e Malishevës është e menaxhueshme dhe situata është në kontroll të plotë, pavarësisht rasteve.

Kontrolloni gjithashtu

Kuvendi Komunal i Vitisë mbajti mbledhjen e katër të rregullt

Kuvendi Komunal i Vitisë ka mbajtur sot mbledhjen e katërt të rregullt. Me këtë rast …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara