Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Luftëtari i UÇK-së, Nexhmi Lajçi, nga OVL e UÇK-së, në Dukagjin, ka reaguar ashpër kundër fushatës së ftesave të shumta nga Gjykata Speciale në adresë të eprorëve dhe ushtarëve të UÇK-së. Ai ka thënë së këtyre goditjeve dhe përndjekjeve do t’u bëjmë ballë. “Çlirimtarët janë thesar për mbrojtjen e të cilave ne do të duhej të sakrifikoheshim. Ne bëmë një luftë heroike, një luftë të drejtë, luftë për liri, prandaj edhe goditjet e mëdha që po na ndodhin me përndjekje dhe burgosje, nga disa qarqe ndërkombëtare aleat të Serbisë dhe agatëve të tyre vendor do i përballojmë. Gjuetia ndaj çlirimtarëve nuk ka të ndalur, nesër secili prej nesh luftëtarë të UÇK-së, mund të jetë i arrestuar, por duke qenë të bindur në idealin e dëshmorëve të kombit dhe në pastërtinë e luftës çlirimtare, asnjëherë nuk do ta ndalim angazhimin tonë dhe përpjekjet që gjeneratat e reja jo vetëm të jetojnë të lirë, por edhe të jetojnë në mirëqene të plotë”, ka shkruar ai.
