Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Familjarët e personave të masakruar nga fshati Rezallë i Skenderajt, sot përmes avokatit, Arianit Koci, kanë bërë dorëzimin e kallëzimit penal në Prokurorinë Speciale ndaj ushtrisë, policisë dhe paramilitarëve serbë. Sipas avokatit Koci, padi është ngritur ndaj Lubisha Dikoviqit dhe Dejan Ranxhelloviqit. “Dikoviq ka qenë komandant i Brigadës së 47 të motorizuar të ushtrisë jugosllave ndërsa Ranxhelloviq, ka qenë komandant i Batalionit të dytë në kuadër të kësaj brigade”, ka deklaruar ai. Avokati, Koci ka theksuar se ka prova të mjaftueshme për këtë padi, madje janë edhe dy dëshmitarë okularë që i kanë mbijetuar Masakrës së Rezallës. Ai ka vlerësuar se Kosova është vonuar me padi ndaj Serbisë për shkak se askush nuk është marrë me mbledhjen dhe dokumentimin e provave të nevojshme. Sipas avokatit Koci, Prokuroria Speciale duhet t’i rris kapacitetet e saj si për nga sasia ashtu edhe nga cilësia.
