Nis asfaltimi i mbi 20 rrugëve në Komogllavë, gjatë vitit 2019 përfundon asfaltimi i të gjitha rrugëve në këtë fshat

07/09/2018 Institucionet

Ditët me kushte të volitshme klimatike kanë mundësuar zhvillimin e shumë projekteve infrastrukturore në terren. Për të parë nga afër punimet që po kryhen në asfaltimin e rrugëve të fshatit Komogllavë, doli edhe Kryetari i Komunës së Ferizajt, Agim Aliu, i shoqëruar nga drejtori i Infrastrukturës, Arbër Bytyqi dhe bashkëpunëtorë të tjerë. Nga ajo që po realizohet me këtë projekt infrastrukturor në këtë fshat, i pari i Ferizajt, Agim Aliu tha se ky investim do t’i kthej rëndësinë dhe qarkullueshmërinë kësaj zonë, që është ndër zonat më të bukura dhe të pasura me drunj dekorativ. “Bëhet fjalë për asfaltimin e rrugëve në fshatin Komogllavë një projekt me vlerë rreth 380 mijë euro ku do të bëhet asfaltimi i mbi njëzetë rrugëve në fshatin Komogllavë. Sot po fillojmë në rrugën “Mulla Ademi” e cila ka një gjatësi prej 880 metra dhe gjerësi 4.5 metër. Në ditët në vijim do të vazhdohet asfaltimi edhe i rrugëve të tjera në këtë fshat. Për fshatin Komogllavë, përveç këtyre rrugëve që i kemi paraparë në projektin e këtij viti, gjithashtu në buxhetin e vitit 2019, kemi paraparë edhe një projekt të ri për rrugët e fshatit Komogllavë dhe besoj që me atë projekt do të përmbyllen të gjitha rrugët e fshatit Komogllavë dhe nuk do të mbetet pa u asfaltuar asnjë rrugë më në fshatin Komogllavë pas përfundimit të këtij projekti të cilin e kemi paraparë në vitin e ardhshëm” tha drejtori i Infrastrukturës, Arbër Bytyqi, duke njoftuar se me të njëjtin intensitet po punohet edhe në projekte të tjera në fshatra të tjerë dhe qytet.

Kontrolloni gjithashtu

Kryetari Latifi mbajti mbledhjen e radhës me drejtorët e drejtorive

Kryetari i komunës së Rahovecit Smajl Latifi, mbajti mbledhjen e përjavshme me drejtorët e drejtorive, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara