Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në shkollën “Ahmet Hoxha”, nisi sesioni i parë i projektit unik kundër bullizmit, mbështetur nga Komuna e Ferizajt, me ç’rast, përmes rrëfimit personal të ferizajasit, Labinot Azemi, që ishte viktimë e bullizmit në shkollë, do të shpërndahen tek nxënësit e disa shkollave në Ferizaj ku do të implementohet ky projekt, mesazhet kundër bullizmit, fenomen ky shqetësues e i rrezikshëm për zhvillimin e personalitetit që nga fëmijëria e hershme e deri në moshën madhore. Labinot Azemi, ideator e realizator i këtij projekti u shpreh se realizimi i këtij projekti që ka mbështetjen e Kryetarit Aliu, është përmbushje e përpjekjeve të tija të kahmotshme, që të sensibilizoj këtë fenomen dhe pasojat e saja negative në shoqëri, duke u bazuar në përvojën e tij personale. Diskutimet për këtë temë, përpjekjen që përmes këtij projekti të ngritët vetëdija mbi këtë fenomen tek shkollarët e mirëpritën dhe vlerësuan edhe drejtues, mësimdhënës e nxënës të shkollës “Ahmet Hoxha”, ku u realizua ligjërata e parë, projekt që ditëve në vijim do të shtrihet edhe në shkolla tjera.
