leoni

Nisin punimet në asfaltimin e rrugës në Kërrnicë të Klinës

19/10/2016 Institucionet

Fshati Kërrnicë i Komunës së Klinës shumë shpejt do të bëhet me rrugë të asfaltuara. Zyrtarisht kanë nisur punimet në përgatitjen e terrenit për asfaltimin e kësaj rrugë të gjatë 2856 metra.

Nga afër punimet i ka përcjelle edhe kryetari i Komunës së Klinës, Sokol Bashota, i cili ka thënë se sot është një ditë e rëndësishme për banorët e këtij fshati ngase me asfaltimin e kësaj rruge do të lehtësohet lëvizja e qytetarëve.

“Kemi dhe po realizojmë projekte në fusha të ndryshme, që për fokus kanë mirëqenien e qytetarit tonë duke krijuar lehtësi në lëvizje, edukim më të mirë dhe krijimin e kushteve sa më të mira në zonat rurale dhe urbane”, u ka thënë banorëve të Kërrnicës, kryetari Bashota.

Shumë familje të fshatit Kërrnicë do të lidhen me asfalt gjë që krijon mundësi më të mira për banorët edhe për punët në bujqësi, si dhe lidhjen me të shpejt me qendrën e qytetit të Klinës.

Investimet në infrastrukturën rrugore në Komunën e Klinës, përveç në qytet dhe zona tjera, tashmë janë shtrirë edhe në fshatrat e zonës veri-perëndimore.

Kontrolloni gjithashtu

Komuna e Deçanit po merr pjesë në Panairin e Turizmit dhe Sportit 2024 në Prishtinë

Komuna e Deçanit po merr pjesë në Panairin e Turizmit dhe Sportit 2024 në Prishtinë, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara