Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizata e Veteranëve të Luftës së UÇK-së, ka reaguar ashpër me rastin e Ditës së Veteranëve të UÇK-së, duke akuzuar pushtetin aktual për mungesë respekti institucional, nënçmim të vazhdueshëm dhe shkëputje të qëllimshme nga vlerat e luftës çlirimtare. OVL UÇK ka bërë thirrje për reflektim shtetëror, respekt institucional dhe përulje ndaj sakrificës së atyre që sollën lirinë e Kosovës. Sipas organizatës, për pesë vite me radhë veteranët janë lënë pa pension meritor, në një proces që, siç thuhet, është bërë me vetëdije dhe përmes hileve politike, në bashkëpunim me Listën Serbe. “Ky pushtet e la luftëtarin e UÇK-së pa pension meritor, duke e nënçmuar dinjitetin e atij që rrezikoi jetën për liri. U toleruan deklarata fyese, përçmuese dhe linçuese ndaj veteranëve, pa asnjë mbrojtje shtetërore”, thuhet në reagim. OVL UÇK thekson se veteranët janë etiketuar dhe trajtuar si barrë për shtetin, ndërsa janë lejuar deklarata publike ku thuhej se “më mirë të paguheshin mercenarët e huaj sesa ata që e çliruan vendin”. Sipas organizatës, kjo përbën një politikë të ftohtë, të qëllimshme dhe të organizuar kundër UÇK-së. “Kjo heshtje është qëndrim politik dhe tregon se, fatkeqësisht, shteti po përpiqet të shkëputet nga lufta që e solli në jetë”, vlerëson OVL UÇK.
