Papa Françesku

Papa Françesku ka deklaruar se Krishtlindja është marrë peng nga bota materiale e konsumit kapitalist

Papa Françesku ka deklaruar se, Krishtlindja është marrë peng nga bota materiale e konsumit kapitalist, e cila e  lë Zotin në hije dhe bën që shumë njerëz të jenë të verbër ndaj nevojave të të uriturve, emigrantëve dhe viktimave të luftës. Bota e fiksuar pas dhuratave, festave dhe egoizmit ka nevojë për më shumë përulësi. “Jezusi lindi i refuzuar nga disa dhe i injoruar nga shumë të tjerë. Sot mund të ekzistojë e njëjta indiferencë, kur Krishtlindja bëhet një festë ku jemi ne protagonistët dhe jo Jezusi, kur dritat e tregtisë lënë në hije dritën e Zotit, kur ne jemi të shqetësuar për dhuratat, por të ftohtë ndaj atyre që janë margjinalizuar”, tha Papa Françesku. Ai veçoi në fjalimin e tij faktin se kjo natyrë materialiste e botës ka marrë peng Krishtlindjen, andaj thirrje që të ndihmohen fëmijët dhe emigrantët, që vuajnë fshehur nën bodrume për t’iu shpëtuar bombave apo nën kuvertat e anijeve të tejmbushura.

Kontrolloni gjithashtu

Zgjim Hyseni: Kurti nuk do të pranojë një koalicion me PDK-në me një rezultat të ulët të votave

Zgjim Hyseni nga PSD, deklaroi se kryeministri Albin Kurti, edhe gjatë kohës kur ishte në …