Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Larg takimeve të zhurmshme dhe mitingjeve me pjesëmarrje masive, Partia Socialiste e ka çelur ndryshe fushatën zgjedhore për vendoret e 14 majit. Në përmbyllje të takimit të Kryesisë së Partisë Socialiste, kryeministri, Edi Rama iu drejtua sheshit “Skënderbej”, i shoqëruar nga 61 kandidatët për kryebashkiakë dhe deputetët e grupit parlamentar, ku publikoi edhe sloganin që do shoqërojë fushatën “Kurrë më mbrapa, vetëm përpara”. Në fjalën e mbajtur, kryeministri Rama u ndal tek arritjet gjatë qeverisjes socialiste në këto 10 vjet dhe ambiciet për të ardhmen, ku sfidë sipas tij mbetet rritja e të ardhurave për frymë. “Rritja historike e pagave është fryt i mundimit të gjithë atyre që na kanë ndjekur. Është mundi shpërblyes i një kapitulli shpërblyes që do e shkruajmë së bashku. Në këto vite thuajse i kemi dyfishuar të ardhurat për frymë, nga 3 mijë e 300 që e kemi gjetur 6 mijë e 400 euro ndërsa deri në 2 mijë 30 të shkojnë në 10 mijë euro për frymë. Ndërkohë kryeministri Edi Rama nuk kurseu as sulmet ndaj opozitës dhe u bëri thirrje qytetarëve që të bëjnë dallimin mes bashkive që kanë drejtuar socialistët me ato që kanë drejtuar të djathtët. Për kreun e qeverisë, Partia Socialiste është ardhmja, ndërsa Ilir Meta dhe Sali Berisha janë e shkuara që duan të marrin peng Bashkitë për t’u mbrojtur nga drejtësia. Rama ka dërguar një mesazh për SPAK që të godasë dyshen opozitare.
