Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ka dështuar në Lypjan Kuvendi i degës së PD-së, jo për faktin se nuk kishte kuorum, meqë ishin të pranishëm rreth 100 veta, por për faktin se kandidatura u imponua nga niveli qendror, nga Ferid Agani, kështu nuk u lejua kandidatura e kërkuar nga anëtarësia e Partisë në Lipjan, ku strukturat e propozuan për kryetar të degës, Kryetarin e nëndegës, në Lipjan z. Burim Podrimçaku, një afarist, intelektual dhe njeri ndër figurat e para në PD që nga viti 2004.
Në shenjë pakënaqësie nga ndërhyrja e kreut të PD-së z. Agani, duke imponuar kandidat kukull, delegatet braktisën punimet e Kuvendit të gjithë, përjashtimisht atyre që kishin ardhur nga Prishtina dhe 7 vetave që mbetën brenda në sallë. Por tradita e mashtrimeve vazhdoj edhe mëtej në këtë kuvend, përkundër që delegatët braktisën kuvendin, ata përsëri e zgjodhën në mënyrë klandestine ish Kryetarin e Degës Xhavit Maholli, me 7 delegatët e mbetur. Ne publikisht i bëjmë thirrje organeve të KKZ-së në nivelin lokal dhe KQZ-së në nivelin qendror që rastin e djeshëm të rishikohet dhe kurrsesi të mos njihet si kuvend për cilin ka argumente të mjaftueshme për manipulim nga krerët e saj. Gjithsesi, ne si udhëheqje e anëtar të kryesisë së degës në Lipjan shumë shpejt do të dalim me ankesë drejtuar organeve të KQZ-së për parregullsitë e mbrëmshme në kuvend.
( Petrit Buja, anëtar i Kryesisë së Degës së PD-së në Lipjan)
