Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetë të Partisë Demokratike të Kosovës sot në një konferencë për media kanë njoftuar se do të procedojnë në Kuvend nismën për hartimin e Projektligjit për pensionet e zyrtarëve policorë dhe për punonjësit e Inspektoratit policor me autorizime policore. Deputetja e PDK-së, Ganimete Musliu tha se nisma për hartimin e këtij projektligji është bazuar në Kushtetutën e Kosovës dhe se është e domosdoshme pasi mosha mesatare e policëve është 47 vjeç. Duke e ditur se Policia e Kosovës është më e reja e themeluar në Evropë ajo fatkeqësisht nuk është e re në moshë. Tani zyrtarët e Policës së Kosovës arrijnë moshën mesatare 47 vjeç andaj është e domosdoshme të bëhet shqyrtimi i këtij projektligji në afatin sa më të shkurtër kohor”. Deputet i PDK-së, Rashit Qalaj tha se është e nevojshme që sa më shpejt ky Projektligj të jetë në Kuvend. Arsyeja kryesore është që Policia e Kosovës të fitojë energji të reja, të jetë një polici më dinamike dhe më efikase dhe kjo bëhet nëse përtërihet organizata”, tha deputeti Rashit Qalaj.
