KEK
Fillimi / Lajmet / Përfaqësuesi i BE-së për Kosovën, Miroslav Lajçak sot do të qëndrojë për një vizitë, në Prishtinë
Mirosllav Lajçak

Përfaqësuesi i BE-së për Kosovën, Miroslav Lajçak sot do të qëndrojë për një vizitë, në Prishtinë

Përfaqësuesi Special i Bashkimit Evropian për dialogun Kosovë-Serbi, Miroslav Lajçak, sot  do të qëndrojë në Prishtinë. Lajmin  për Radion Evropa e Lirë, e ka konfirmuar, zëdhënësi i BE-së, Peter Stano.  “Këto vizita kanë për qëllim përparimin në përgatitjet për takimin e radhës në nivel të lartë për të cilin ende shpresojmë që do të mbahet më vonë gjatë këtij viti”, tha ai. Stano përkujtoi që në takimin e fundit i cili u mbajt më 15 nëntor, ministrat e jashtëm të shteteve anëtare të BE-së, kërkuan nga Kosova dhe Serbia respektimin e marrëveshjeve të arritura. uke u ndërlidhur me këtë, Stano theksoi që kjo nënkupton edhe respektimin e marrëveshjes lidhur me vizitat e zyrtarëve të lartë të Beogradit në Prishtinë dhe anasjelltas, që u arrit në kuadër të dialogut. Më 23 nëntor, Qeveria e Kosovës sërish refuzoi kërkesën e shefit të së ashtuquajturës Zyrë për Kosovë në Qeverinë e Serbisë, Petar Petkoviq që ta vizitojë Kosovën. Bazuar në të dhënat që posedon BE-ja, Stano theksoi se vizita ishte paralajmëruar me kohë dhe procedurat ishin në përputhje me marrëveshjen. Vizita e Miroslav Lajçakut në Prishtinë vjen pas qëndrimit të tij edhe në Beograd ku ishte takuar me presidentin serb, Aleksandar Vuçiq.

Kontrolloni gjithashtu

Liderët nga vendet e rajonit dhe zyrtarë të lartë të BE-së , kanë shprehur solidaritetin e tyre me Maqedoninë e Veriut

Janë mësuar disa shkaqet dhe vendi ku nisi në fillim zjarri në autobusin që u përflak më 23 nëntor në Bullgari

Janë mësuar shkaqet dhe vendi ku nisi në fillim zjarri në autobusin që u përflak ...