Përfaqësuesit e organizatave të dala nga lufta e UÇK-së dorëzojnë në Kuvend peticionin për shfuqizimin e Ligjit për Specialen

Përfaqësuesit e OVL-UÇK-së dorëzojnë në Kuvend peticionin për shfuqizimin e Ligjit për Specialen

Përfaqësuesit e organizatave të dala nga lufta e Ushtrisë Çlirimtare të Kosovës, kanë dorëzuar në Kuvend peticionet, me anë të cilave kërkojnë shfuqizimin e Ligjit për Dhomat e Specializuara. Nasim Haradinaj, tha se për pak ditë kanë arritur t’i mbledhin mbi 15 mijë nënshkrime dhe tash presin që të thirret seanca, për ta shfuqizuar ligjin në fjalë.“Ne sapo dorëzuam peticionin. Qëllimi jonë ishte që ne të përmbushim numrin kuotën e duhur për të thirrur mbledhjen e Parlamentit dhe 10 mijë nënshkrime. Mirëpo edhe qytetarët janë kanë aq të zellshëm, aq punëtorë dhe aq të interesuar sa kemi mbërri mbi 15 mijë e 836 nënshkrime ne konkretisht i dorëzuam. Ne s’deshëm me prit më gjatë. Zyrtarët e Parlamentit e pranuan peticionin. Presim që do të punojnë konform asaj që kërkohet. Siç e dini Organizata e veteranëve të luftës, është për shfuqizimin e ligjit, për dhomat e specializuara”, tha ai.

Haradinaj thotë se deputetët të cilët e votuan këtë Ligj, e kanë kohën ideale që ta përmirësojnë gabimin e bërë. “Unë pres që këta kanë pas kohë me mendu, se çka kanë bërë. Kanë kohën ideale të përmirësojnë gabimet që i kanë bërë, qoftë për vete qoftë  Evropa vet që e ka shkel një Kushtetutë, të cilën dihet që është Kushtetutë, që është bërë shkelja kryesore, apo elementare e të drejtave të njeriut neni 24”, tha Haradinaj.

Kontrolloni gjithashtu

Bedri Hamza është shprehet optimist se do ta fitojë garën për kryetar të Mitrovicës pa balotazh

Bedri Hamza shfaq dyshime lidhur me komunikimin e njërit prej organizatorëve të sulmit në veri të Kosovës me Mimoza Kusarin

Kryetari i Mitrovicës, Bedri Hamza, ka ngritur një zë kritik në lidhje me dialogun me …