Përkujtohen dëshmorët dhe martirët e betejës së 25 majit në Kaçanik

26/05/2017 Institucionet

Në 18 vjetorin e rënies, në fshatin Biçec me një manifestim përkujtimor janë përkujtuar dëshmorët: Shaqir Kuka, Sakip Hysa, Nazmi Osmani, Avdullah Baftiu, Kemal Kolshi, Sadik Guri dhe Qemal Guri, dhe martirët e luftës, të cilët ranë më 25 maj 1999. Në manifestimin përkujtimor, Biçeci i ka përkujtuar edhe tre dëshmorët e këtij fshati të cilët ranë më 9 Prill 1999: Fadil Bunjaku, Habit Dullovi dhe Fatmir Horuni. Kryetari i Komunës së Kaçanikut Besim Ilazi tha se dëshmorët janë krenaria jonë kombëtare andaj sot përkulemi me respekt e krenari para tyre. Kryetari Ilazi tha se duke nderuar dëshmorët nderojmë vetveten, nderojmë atdheun dhe lartësojmë sakrificën e tyre. Fjalën e rastit e ka prezantuar Hajrush Kurtaj, ish zëvendëskomandant i Brigadës 162 “Agim Bajrami”, i cili në fjalimin e tij elaboroi betejën e 25 majit të vitit 1999, ndërsa përmendi emrat e të gjithë dëshmorëve dhe martirëve të rënë në këtë ditë. Evokim dhe disa momente të Ditës së Betejës së 25 Majit solli para të pranishmëve bashkëluftëtari Mendu Krasniqi, ndërsa në emër të familjeve të dëshmorëve të pranishmit i përshëndeti Malsore Horuni, vajza e dëshmorit Fatmir Horuni. Manifestimin e përshëndeti edhe Elmi Reqica deputet i Parlamentit të Republikës së Kosovës. Në fund të manifestimit është shfaqur edhe një program kulturo artistik, të cilin e madhështoi prania e artistëve Milaim Mezini, Shkurte Fejza si dhe Ansambli i Këngëve dhe Valleve “Emin Duraku” nga Shkupi. Para se të fillojë manifestimi qendror janë bërë homazhe dhe manifestime të vogla si dhe janë vendosur lule pranë pllakave përkujtimore të dëshmorëve.

Kontrolloni gjithashtu

Nënshkruhet Memorandum i Mirëkuptimit në mes të Komunës së Vitisë dhe organizatës “CNVP”

Sot, kryetari i komunës së Vitisë, Sokol Haliti, ka pritur në takim Xhevat Lushin – …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara