leoni

Përkujtohen dëshmorët Muhamet Kabashi-Kelota e Rexhep Demiri-Sakica

20/05/2016 Institucionet

Në fshatin Talinovc i Muhaxherëve , këtë të premte është shënuar dita e shkollës ,,Dy dëshmorët” si dhe u përkujtuan dëshmorët e kësaj ane Muhamet Kabashi-Kelota  e Rexhep Demiri-Sakica si dhe viktimat e kësaj ane.

Për të përkujtuar dëshmorët ishin mbledhur struktura udhëheqëse të komunës së Ferizajt, prindër të dëshmorëve, si dhe mysafirë të shumtë.

Me këtë rast kryetari i Komunës së Ferizajt, Muharrem Svarqa, ka vlerësuar tejet lartë figurën e dy dëshmorëve.

“Kremta e shkollës suaj në përvjetorin e rënies së dy dëshmorëve, Muhamet Kabashi e Rexhep Demiri dhe në prag të përfundimit të vitit shkollor, ia shton edhe më shumë peshën kësaj dite, sepse na jep rastin të rishikojmë arritjet dhe sfidat tona përgjithësisht në rrugëtimin tonë disavjeçar si shtet i pavarur, në përpjekje për të përmbushur synimet dhe idealet e të gjithë atyre bijve e bijave që u flijuan për lirinë dhe pavarësinë e Kosovës. Ne kemi pak vite përvojë shtetndërtuese, por kjo përvojë e ka burimin në aspiratat e dhjetëra brezave, njerëzve të ditur, të arsimuar e të përkushtuar, që luftuan me pushkë e penë për lirinë dhe pavarësinë e vendit tonë, si Muhamet Kabashi e Rexhep Demiri. Ne u shprehim mirënjohjen më të thellë të gjithë brezave, heronjve, dëshmorëve e martirëve, që u përpoqën për të vënë themelet e shtetit tonë, që ne të jemi të lirë, të mësojmë lirshëm në shkollat tona”, ka thënë kryetari Svarqa.

Të pranishmit në këtë manifestim i ka përshëndetur edhe drejtoresha e kësaj shkolle Gyltene Haliti e cila ka folur për dëshmorët, por edhe për sukseset e nxënësve  të shkollës së saj.

Për figurën e dy dëshmorëve Muhamet Kabashi-Kelota  e Rexhep Demiri-Sakica, ka folur edhe kryetari i Shoqatës së Familjeve të dëshmorëve në Ferizaj, Gafurr Bytyqi.

Tek lapidari i dy dëshmorëve u vendosën kurora të freskëta me lule, ndërkaq për të pranishmit ishte përgatitur edhe një program i pasur kulturo-artistik.

Kontrolloni gjithashtu

Filloi edhe një projekt i ri rrugor në komunën e Skenderajt

Filloi edhe një projekt i ri rrugor në komunën e Skenderajt, shumë i rëndësishëm për …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara