Përmirësimi i infrastrukturës dhe sporti në tërësi prioritet i Ministrisë dhe Qeverisë

03/03/2018 Institucionet

Federata e Futbollit e Kosovës ka mbajtur Kuvendin e radhës të Punës. Në Kuvend ka marrë pjesë edhe Ministri i Kulturës, Rinisë dhe Sportit, Kujtim Gashi, i cili konfirmoi përkrahjen e tij personale dhe të ministrisë në mbështetje të mëtejme të sportit më të popullarizuar në botë por edhe në Kosovë dhe duke i dëshiruar mbarëvajtje të Kuvendit të punës. Ndjehem jashtëzakonisht mirë si Ministër i MKRS-së, për të arriturat dhe sukseset që po i arrijnë sportistët tanë dita ditës në shumë disiplina sportive si në aspektin kombëtar ashtu edhe në arenën ndërkombëtare, ku në këto të arritura janë të përfshirë edhe sportistët nga sporti i futbollit. “Si rezultat i përkushtimit tonë, Qeveria e Kosovës ka marrë vendimin për ndërtimin e Stadiumit Kombëtar, andaj ky është tregues i qartë se sportin e kemi vënë në kuadër të prioriteteve më të larta në programin e MKRS-së dhe të Qeverisë”, u shpreh ministri, duke u zotuar se ndërtimi i stadiumit do të fillojë në një periudhë sa më të shpejtë që është e mundur. “Dua që ta shfrytëzoj këtë rast që t’u njoftoj se gjatë kësaj jave kemi shpallur fazën e fizibilitetit për Stadiumin Kombëtar. Ne synojmë që Stadiumi Kombëtar të jetë në një kapacitet prej 30 mijë ulëse”, tha ministri Gashi. Po ashtu, ministri Gashi nënvizoi edhe përkushtimin e MKRS-së për përmirësimin e infrastrukturës sportive në vend dhe përmendi se ministria ka planifikuar të investojë mbi 15 milionë euro për vitin 2018. “Ndërtimi i dymbëdhjetë fushave ndihmëse të futbollit të cilat do të ndërtohen në bashkëpunim me Federatën e futbollit, jam i bindur se do të ndikojnë dukshëm në përmirësimin e cilësisë së futbollit në Republikën e Kosovës, andaj dua ta shfrytëzoj rastin që publikisht ta falënderoj Fadil Vokrrin për këtë angazhim”, është shprehur për fund ministri Gashi duke njoftuar të pranishmit në Kuvendin e punës së FFK-së se MKRS-ja bashkë me palët e interesit dhe partnerët po punon në avancimin edhe të infrastrukturës ligjore sipas standardeve më të avancuara.

Kontrolloni gjithashtu

Kryetari Latifi në 25-vjetorin e rënies, ka nderuar kujtimin për luftëtarin e UÇK- së dhe dëshmorin e kombit, Sadri Fazli Krasniqi

Kryetari i komunës së Rahovecit Smajl Latifi, bashku me familjarë, bashkëpunëtorë e miq, në 25-vjetorin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara