Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i komunës së Rahovecit Smajl Latifi, bashkë me drejtorin e Drejtorisë për Kulturë, Rini dhe Sport, Afrim Dina si dhe me qytetarë të fshatit Zaqisht, kanë përuruar fushën e re sportive të fshatit, e cila do të jetë një vend më shumë, për qëllime rekreacioni e sporti për të gjithë. Fushës së re multi-funksionale iu gëzuan veçanërisht fëmijët e fshatit, të cilët mezi prisnin për përfundimin e ceremonisë përuruese për t’i nisur lojërat e argëtimin. Në kohën kur teknologjia dhe bota virtuale po marrin shumicën e kohës së të rinjve, investimi në hapësira të ngjashme bëhet i domosdoshëm. Komuna e Rahovecit do të vazhdojë me investime në qendra të tilla sportive, në qytet e fshatra, që të krijohen kushtet adekuate dhe bashkëkohore për shprehjen e talenteve të tyre në sport, po ashtu të argëtohen dhe të jenë të shëndetshëm, duke e angazhuar edhe trupin, përpos mendjes.
