Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Policia e Kosovës dhe Shërbimi Korrektues i Kosovës kanë kthyer në vuajtje të dënimit, Driton Hajdarin i dënuar sipas një deklarate të Nazim Bllacës, përkundër faktit që sëmundja e tij, ‘skleroza amfitrofike laterale’, është e pashërueshme dhe kërkon trajtim të veçantë. Dritoni ka raporte nga specialistët dhe shefi i burgjeve të Kosovës që duhet të jetë i shoqëruar dhe që trajtimi i tij nuk mund të bëhet në burg, megjithatë Gjykata Themelore në Prishtinë ka vendosur që ai të kthehet në burg për vuajtjen e dënimit. Këshilli për Mbrojtjen e Lirive dhe të Drejtave të Njeriut ka thënë se nga aspekti i të drejtave të njeriut asesi nuk duhet të dërgohet në burg, pasi dërgimi i tij në burg është nënshkrim për vdekjen e tij. Ai është marrë në shtëpinë e tij nga pjesëtarët e Policisë dhe Shërbimit Korrektues për ta dërguar në burg, ku duhet të presë vdekjen.(Kosovapress)
