leoni

Policia e Kosovës ka bërë të ditur se deri në tetor të këtij viti janë raportuar 2 273 raste të dhunës në familje

Policia e Kosovës ka bërë të ditur se deri në tetor të këtij viti janë raportuar dy mijë e 273 raste të dhunës në familje, një mijë e 897 prej tyre janë viktima femra dhe 433 meshkuj. Duke folur se çfarë bëjnë për këto raste punonjësit social dhe nëse ata merren sa duhet me rastet e tilla, drejtori i Qendrës për Punë Sociale në Prishtinë, Vebi Mujku ka deklaruar se punëtorët social bëjnë punën e tyre dhe ka mohuar akuzat që vijnë në adresë të tyre për mungesë angazhimi. Ai ka thënë se nuk ka asnjëherë vend në Qendrën për Punë Sociale akuza për mospunë ose mosreagim, për shkak se ne jemi të parët të cilët dolëm në secilin rast. “Ne e kemi të rezervuar edhe kemi kontratë me shërbimin e taksit, me të cilët në çdo kohë, neve na çojnë brenda 5 minutave në polici, ne kemi një punëtor kujdestar 24 orë. Ne bashkëpunojmë me të gjitha institucionet, bashkëpunimi kyç është me Policinë e Kosovës për shkak se intervenojmë qysh në fillim” ka thënë drejtori i Qendrës për Punë Sociale në Prishtinë, Vebi Mujku.

Kontrolloni gjithashtu

Kryetari i Asociacionit të Komunave të Kosovës, Sazan Ibrahimi është cituar të ketë deklaruar se komunat e Kosovës përkundër sfidave nga niveli qendror, kanë arritur të shpenzojnë 75 për qind të mjeteve të destinuara për investime kapitale. Ai ka thënë me këtë rast se viti 2024 do të jetë një ndër vitet me sfiduese për nivelin lokal sa i përket investimeve të reja kapitale, kjo pasi Parlamenti i Kosovës nuk ka marr parasysh fare propozimet e komunave për projekte të reja kur ka votuar buxhetin për vitin 2024, që sipas tij, do të ndikonin në zhvillimin ekonomik lokal. Përkundër sfidave që janë ballafaquar komunat në vitin 2023, sa i përket shpenzimeve në investime kapitale komunat kanë rezultate të jashtëzakonshme dhe nëse i krahasojmë me investimet kapitale të shpenzuara nga niveli qendror diferenca është dyshifrore mes nivelit lokal edhe nivelit qendror. Kjo do të thotë që komunat kanë punuar mirë, gjithashtu planifikimet buxhetore i kanë hartuar me seriozitetin më të madh të mundur por edhe zbatimi i tyre përkundër sfidave që janë shkaktuar nga niveli qendror, do të thotë jo vetëm nga ministrit por edhe nga institucionet e nivelit qendror, komunat kanë arritur që të bëjnë shpenzimet të mjeteve për investime kapitale me përqindje jashtëzakonisht të mirë, ka thënë mes tjerash Sazan Ibrahimi.

Sazan Ibrahimi rrëfen kërcënimet me jetë pas debateve me ministrat e Qeverisë Kurti

Drejtori Ekzekutiv i Asociacionit të Komunave të Kosovës, Sazan Ibrahimi, ka deklaruar se ka marrë …