Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kuvendi i Kosovës do të mblidhet të martën, më 20 gusht, në orën 11:00, për të tentuar sërish konstituimin pas më shumë se tri javësh pauzë. Seanca vjen pas vendimit të Gjykatës Kushtetuese, që urdhëroi zgjedhjen e krye parlamentarit brenda 30 ditësh përmes votimit të hapur dhe me vetëm tri tentativa për të njëjtin kandidat. Ish-zëvendëskryeministrja Edita Tahiri shprehu pesimizëm për suksesin e seancës. Ajo kritikoi ashpër kryeministrin në detyrë, Albin Kurti, duke thënë se “Kurti veç me dështu din – mos u çuditni, edhe nesër e dështon seancën”. Edhe analistët e çështjeve kushtetuese paralajmërojnë se një tjetër dështim mund të thellojë krizën institucionale në vend. Deputeti i LVV-së, Arbër Rexhaj, tha se nëse kandidatura e Haxhiut nuk kalon pas tri tentativave, partia do të shqyrtojë hapat e ardhshëm, duke theksuar se vendimi i Kushtetueses për kufizimin e votimeve e zhvendos të drejtën e propozimit te partitë tjera.
