Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në gjykatën speciale në Hagë ndaj ish-krerëve të Ushtrisë Çlirimtare të Kosovës po hyn në një fazë vendimtare. Me përfundimin e paraqitjes së provave nga ana e Prokurorisë, tani radhën e ka mbrojtja, e cila pritet të fillojë me paraqitjen e dëshmitarëve dhe provave në fund të muajit gusht. Sipas avokatëve mbrojtës, qëllimi kryesor është të paraqiten dëshmitarë me njohuri të drejtpërdrejtë për rrethanat e luftës dhe të dokumentohen të dhëna që, sipas tyre, tregojnë për manipulime të qëllimshme të fakteve nga ana e Serbisë. Sipas kalendarit gjyqësor, mbrojtja duhet të dorëzojë listën e dëshmitarëve dhe provave deri më 21 korrik, ndërsa paraqitja zyrtare e rastit të saj pritet të nisë në fund të gushtit. Kjo fazë pritet të jetë vendimtare për të ardhmen e procesit dhe për vetë drejtësinë ndërkombëtare, e cila është vënë shpesh në pikëpyetje për shkak të kritikave rreth balancës dhe legjitimitetit të saj.
