Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pasi është dëgjuar dëshmitarja e parë e Prokurorisë së Gjykatës Speciale, në gjykimin kundër ish-krerëve të Organizatës së Veteranëve të Luftës së UÇK-së, trupi gjykues ka dëgjuar parashtrimet e palëve lidhur me pranimin ose jo të deklaratave të dëshmitares si prova materiale. Nga prokuroria është bërë përmbledhja e deklaratave të dëshmitares, Zdenka Pumper, ndërsa mbrojtja ka deklaruar se dëshmia e hetueses së ZPS-së nuk duhet pranuar meqë vlera e saj është më e vogël se efekti dëmtues. Ndërkohë, prokurorja Valeria Boliçi ka ritheksuar kërkesën e Zyrës së për pranimin e disa deklaratave të dëshmitares Pumper si prova materiale. Duke përmendur deklaratat e saj prokurorja ka thënë se klasifikimi i tyre është konfidencial meqë përbëjnë referenca konkrete në lidhje me përmbajtjen e materialeve të tilla. Gjatë dëshmisë, Zyra parashtron se këto dokumente duhet të mbeten konfidenciale meqë përmbajnë konferenca ndaj identitetit ë palëve të treta dhe mund për këtë arsye të ndikojnë në të drejtën e privatësisë si dhe të zbulojnë identitetin e pjesëtarëve të ZPS-së”, ka thënë prokurorja Boliçi.
