Qeveria Japoneze ndihmon komunën e Klinës

11/03/2017 Institucionet

Qendra Kryesore e Mjekësisë Familjare “ Nënë Tereza” në Klinë është përfituese e një projekti prej 68 mijë e 229 euro nga Qeveria Japoneze, për pajisje shëndetësore. Bëhet fjale për 1 autoambulancë, 1 veturë dedikuar për hemodializë dhe komplet pajisjet për laboratorin e kësaj qendre shëndetësore. Në ceremoninë e nënshkrimit të marrëveshjes, kanë marrë pjesë kryetari i Komunës së Klinës, Sokol Bashota, drejtori i Shëndetësisë, Bedri Gashi dhe drejtoresha e QKMF-së “ Nënë Tereza” dr. Drita Gjergji. “Ky grant do të ketë ndikime jashtëzakonisht pozitive, sepse krijon parametra për ofrimin e shërbimeve më cilësore shëndetësore për qytetarët e Komunës së Klinës”, ka thënë me këtë rast kryetari i Komunës së Klinës, Sokol Bashota. Ambasadori i Japonisë, Kiyoshi Koinuma, ka thënë me këtë rast se investimi i Qeverisë Japoneze do të ndikojë në përmirësimin e standardeve për qytetarët e komunave përfituese. Klina është përfituese e këtij projekti bashkë me katër komunat tjera të Kosovës.

Komuna e Klinës ka aplikuar në maj të vitit 2016 nëpërmjet Zyrës Ndërlidhëse Japoneze në Prishtinë për përfitimin e Grantit të Asistencës Bazike për Sigurinë Humane të Qeverisë Japoneze, me ç ‘rast është konfirmuar miratimi i përfitimit të një (1) autoambulance standarde dhe një (1) autoambulance për nevojat e pacientëve me hemodializë si dhe pesë (5) pajisjeve laboratorike: Aparatit hematologjik, aparatit biokimik, mikroskopit, roller mikserit dhe centrifugave. Projekti financohet nga Qeveria Japoneze nga granti i Projekteve Bazike për Siguri Njerëzore ( të quajtur GGP). i miratuar nga Qeveria e Japonisë.

Kontrolloni gjithashtu

Nënshkruhet Memorandum i Mirëkuptimit në mes të Komunës së Vitisë dhe organizatës “CNVP”

Sot, kryetari i komunës së Vitisë, Sokol Haliti, ka pritur në takim Xhevat Lushin – …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara