Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës për Ardhmërinë e Kosovës, Ramush Haradinaj, ka reaguar ashpër ndaj situatës së rëndë energjetike në vend, duke e cilësuar kolapsin si një veprim të qëllimshëm dhe të dirigjuar nga politika. Haradinaj ka thënë se rënia e të gjitha blloqeve të prodhimit të KEK-ut nuk është rastësi, por rezultat i ndikimit politik dhe i pazareve të mafisë energjetike, që sipas tij kontrollon tregtinë me energji. “Kosova sot flen në thëngjill e s’ka energji. Kjo është pasojë e ndaljes së projekteve strategjike, si Termocentrali Kosova C dhe gazsjellësi amerikan – projekte që u bllokuan për t’u hapur rrugë abuzimeve,” ka shkruar Haradinaj. Ai theksoi se një grusht njerëzish të lidhur me pushtetin po përfitojnë nga kjo krizë dhe shprehu besim se organet e drejtësisë do të hetojnë dhe zbulojnë gjithçka, por sipas tij, “askush nuk duhet të shmangë përgjegjësinë para Kryeministrit në detyrë”.
