Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri Ramush Haradinaj, iu ka kundërpërgjigjur kryetarit të Kuvendit, Kadri Veseli për kërkesën e tij që taksa ndaj Serbisë të hiqet për 120 ditë. Ai ka thënë se po bëhet thirrje të ruhet partneriteti me SHBA-të, por nuk është menduar ky partneritet kur janë bërë përpjekje për shfuqizimin e Gjykatës Speciale, sepse kërkesa për shfuqizimin e saj ka qenë për shkak se kanë pasur frikë për vete, sidomos Kadri Veseli dhe Hashim Thaçi. Edhe unë kam dashur ta rrëzoj, pa marrë para sysh çka thoshte Amerika se po na e ngulni thikën mbas shpine. Nuk donim ta dimë për miqësinë dhe të njëjtit njerëz kemi qenë, Hashimi, Kadria, unë të njëjtit dhe pesë pare nuk i jepnim. Ne donim ta rrëzonin gjykatën por nuk i arritëm votat, asokohe nuk jemi mërzitë hiç për miqësinë me Amerikën që sot po duam ta ruajmë me çdo kusht, ka thënë mes tjerash kryeministri, Ramush Haradinaj.
