Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i AAK-së, Ramush Haradinaj, ka përjashtuar çdo mundësi që partia e tij të mbështesë një mandat të tretë të Albin Kurtit në krye të qeverisë. Në emisionin “Rubikon”, Haradinaj deklaroi se pesë votat e deputetëve të AAK-së nuk do të shkojnë asesi për një qeveri Kurti 3, duke e cilësuar si të dëmshme për Kosovën. Ai u shpreh i hapur për një qeveri të re të udhëhequr nga partitë opozitare, si Bedri Hamza, Lumir Abdixhiku apo edhe ai vetë. Haradinaj tha se nuk është kundër që Lëvizja Vetëvendosje të marrë pjesë në një qeveri të gjerë, për aq kohë sa nuk drejtohet nga Albin Kurti. “Jemi për një qeveri nacionale, të unitetit, por jo me Kurtin kryeministër”, u shpreh ai. Haradinaj theksoi se bashkëpunimi me Kurtin ka dëmtuar Kosovën dhe nuk e sheh më të udhëheqë një mandat tjetër.
