Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryeministri Ramush Haradinaj ka përshëndetur rikonfirmimin e politikës amerikane ndaj Kosovës dhe Ballkanit Perëndimor pas nënshkrimit të Ligjit për Autorizimin e Mbrojtjes Kombëtare për vitin fiskal 2026. “Lajmi më i mirë i mundshëm i kësaj dite është rikonfirmimi i politikës amerikane ndaj Kosovës dhe Ballkanit në përgjithësi”, ka thënë Haradinaj, duke theksuar se ligji refuzon çdo ide për ndarje, shkëmbim territoresh apo ndryshim kufijsh mbi baza etnike. Ai ka vlerësuar qëndrimin amerikan për perspektivën e anëtarësimit të Kosovës në NATO dhe të gjithë Ballkanit Perëndimor, duke e cilësuar këtë si themel të sigurisë dhe zhvillimit të vendit dhe shoqërisë. Haradinaj thekson se ligji përcakton qartë politikën amerikane për zbatimin e Marrëveshjes për Normalizimin e marrëdhënieve Kosovë–Serbi, me qëllim final njohjen reciproke, dhe riafirmon mbështetjen për demokracitë në rajon. Sipas tij, çdo zyrtar që vepron kundër integritetit territorial, cenon rendin demokratik apo përfshihet në korrupsion do të sanksionohet sipas këtij ligji. “Ish-miqësia dhe partneriteti ynë me Shtetet e Bashkuara ka qenë jetik në të gjitha fazat, përfshirë edhe synimin tonë për anëtarësim në NATO dhe BE, që është thelbi i Programit të Aleancës. Mirënjohje përjetë Shteteve të Bashkuara të Amerikës!”, ka shtuar Haradinaj.
