Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas aktgjykimit të Gjykatës Kushtetuese për postin e nënkryetarit serb të Kuvendit, reagimet nga Vetëvendosje dhe disa deputetë të saj kanë qenë të forta, duke e akuzuar gjykatën për tejkalim të kompetencave dhe “krijim normash”. Zyrtarë të kësaj partie kanë pretenduar se gjykata ka ndryshuar jurisprudencën pa ndryshime normative dhe ka hyrë në rol që, sipas tyre, nuk i takon. Këto deklarime janë cilësuar nga analistë juridikë dhe përfaqësues të opozitës si sulm dhe presion politik nda j institucionit më të lartë kushtetues në vend. Sipas tyre, kundërshtimi publik i vendimeve është i lejueshëm, por diskreditimi i gjykatës rrezikon të minojë besimin në ndarjen e pushteteve dhe rendin kushtetues. Përfaqësues të komuniteteve joshumicë kanë bërë thirrje për respektim të plotë të vendimit dhe të Kushtetutës, duke paralajmëruar se politizimi i përfaqësimit të pakicave mund të prodhojë pasoja të ndjeshme institucionale dhe ndëretnike. Ata kanë kërkuar që procesi i ri për zgjedhjen e nënkryetarit të zhvillohet sipas standardeve kushtetuese dhe pa ndërhyrje partiake.
