Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në një intervistë për TV-Dielli, rektori i Universitetit të Pejës, “Haxhi Zeka”, dr. Fadil Millaku, ka folur lidhur me disa specifika sa i përket këtij Universiteti. Rektori Millaku ka bërë të ditur se ky Universitet ka 12 mije studentë, 5 fakultete, 18 programe. Qëllimi ynë është që ky universitet të profilizohet dhe pikërisht për këtë është themeluar plani strategjik 2017 – 2022. Dallojmë me fakultetin e turizmit ngase është specifik për rajonin. Jemi në fazën e nënshkrimit të marrëveshjes me një kompani turke ku studentet tanë, rreth 300 prej tyre mund të shkojnë për punë sezonale në Turqi, pavarësisht se edhe në vendin tonë mund të gjejnë punë, në lëmin e Hotelierisë e Turizmit. Fakulteti ynë i Agrobiznesit dallon nga ai në Prishtinë, meqë edhe programet tona dallojnë, sepse Peja tradicionalisht ka pasur traditë për biznes në këtë drejtim. Peja ka Fakultetin e Arteve sepse në këtë qytet ka qenë shkolla e parë e Artit në Kosovë.
Rektori Millaku ka folur edhe për organizimin e Strategjinë e cilësisë që nuk e kanë universitetet e tjera, pastaj sistemin tutorial, që do të thotë se studenti i dalluar ndihmon studentin, sepse pas një studimi të fizibilitetit kemi vërtetuar se studentet kanë ngecje në lëndët matematikë, statistikë dhe kontabilitet, ka veçuar ndër të tjera rektori, Fadil Millaku, në intervistën e tij për Radion-Kosova e Lirë.
