Repelimi i kafshëve fillon në Senik dhe Lladrovc

12/03/2019 Institucionet

Shtabi komunal për menaxhimin e EHKK, në Malishevë, i kryesuar nga nënkryetari i Komunës së Malishevës, Hajdin Berisha, ka mbajtur një takim pune me operatorin “Zona Park”, që do të bëjë repelimin e kafshëve. Në këtë takim, është vendosur për fillimin e fushatës së repelimit të kafshëve, që do të filloj nga e mërkura, 13 mars 2019, në fshatrat Senik dhe Lladrovc. Në këtë takim, shtabi komunal dhe operatori kanë diskutuar për organizimin e fushatës së repelimit të kafshëve, që do të përfshijë të gjitha kafshët në tërë territorin e Komunës së Malishevës. Repelimin e kafshëve, e financon Agjencia e Ushqimit dhe Veterinës, në bashkëpunim me Komunën e Malishevës. Repelimi i kafshëve, është njëra prej masave më efikase kundër Etheve Hemorragjike Krime Kongo (EHKK), virus i cili zhvillohet dhe bartet nga rriqrat, kurse përmes kafshëve, rriqrat barten nga fusha. Përveç parandalimit të bartjes së rriqrave përmes kafshëve, repelimi e luan edhe rolin e ndërprerjes së ciklit tek rriqrat. Luten të gjitha pronarët e kafshëve, që ti përmbahen thirrjes për repelimin e kafshëve dhe në ditët që do të bëhet repelimi, ti mbajnë kafshët të mbyllura deri në kryerjen e repelimit.

Kjo është faza e parë e repelimit të kafshëve.

Kontrolloni gjithashtu

Komuna e Deçanit nënshkruan marrëveshje bashkëpunimi me kompaninë PMN Sh.P.K

Komuna e Deçanit ka nënshkruar marrëveshje bashkëpunimi me kompaninë PMN Sh.PK. “Nënshkruam kontratën me kompaninë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara