Rregullohet ndriçimi në rrugën “Labinot Krasniqi” në Carrallukë

18/07/2019 Institucionet

Rregullimi i ndriçimit në fshatrat e Komunës së Malishevës, është duke vazhduar sipas dinamikës së paraparë. Kështu ka përfunduar rregullimi i ndriçimit edhe në fshatin Carrallukë, përkatësisht në rrugën “Labinot Krasniqi”, ndërsa përfundimin e kësaj pjese të ndriçimit, e ka parë nga afër edhe i pari i Komunës së Malishevës, Ragip Begaj. Gjatë vizitës në Carrallukë, kryetari Begaj, është takuar edhe me përfaqësuesin e fshatit Carrallukë, Rrustem Hoti, të cilin e ka uruar për realizimin e këtij projekti. “Jam i kënaqur që ky projekt po realizohet sipas dinamikës së paraparë, ndërsa rregullimi i ndriçimit do të vazhdoj deri në realizimin e plotë të tij, dhe të gjitha rrugët e parapara në kuadër të këtij projekti, do të ndriçohen”, tha Begaj. “Rregullimi i ndriçimit, është një kërkesë e vazhdueshme e fshatrave dhe ne po mundohemi që brenda mundësive buxhetore ta realizojmë. Rregullimi i ndriçimit, në rend të parë krijon siguri më të madhe në vendbanime, ndërsa qytetarëve ju mundëson edhe lëvizjen e lehtë dhe të sigurt në orët e mbrëmjes”, tha kryetari Begaj, gjatë vizitës në Carrallukë.

Kontrolloni gjithashtu

Kryetari Latifi nënshkroi kontratat me tre praktikantë nga skema praktike në punë

Sot, kryetari i komunës së Rahovecit z. Smajl Latifi nënshkroi kontratat me tre praktikantë nga …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara